By Georges Tachdjian
الى أدونيس:
اليوم شفت امّك حاطة بوست ورقة النعوة وكاتبة انه ما رح تقدر تقول أوّل كلمة “بابا”.
أنا بس بدّي قلّك يا أدونيس، انو انت ابن أنطون الخوري حرب يعني انت ابن بطل استثنائي علّم جيل بامو وابوه معنى الوطنية، الرجولة، الشهامة… معنى لبنان الأرز.
صحيح انو ما رح يحضنك ويغنجك ويلعبك ويعلمك تكون بطل ووطني متلو بس كون أكيد انو رح تكون متلو لانك حامل جينات انسان بتنبع منو البطولة والوفاء للوطن والرفاق والقضية.
ادونيس، هيدا البوست رح شوفو كل سنة متل اليوم ووعد منّي انه ما رح اعملّو share memory الا لما تكبر وتبلش تعرف معنى التضحية لسبيل الوطن.
مظبوط انه ماغي قالت ما رح تقدر تقول كلمة بابا بس يا ادونيس رح تشبع من الناس يخبروك عن ال “بابا طوني” لانو بيّك بطل ورح نضل نحكي ونخبّر الاجيال كيف بتكون مناضل مثالي على شكل وقوة وصلابة بيّك؛
مظبوط كل هالشي ما بعوّض عن الابوّة بس كمان هالشي ما بسير الا مع ابن البطل أنطون الخوري حرب.
ربنا يكون معك والله يرحم بيّك
